Фарғона вилояти Сўх туманидаги Ишчи гуруҳ туманда ижтимоий-иқтисодий ривожлантириш, аҳоли учун муносиб турмуш тарзини яратиш мақсадида ўтказилаётган тадбирлар юзасидан маълумот берди.
Маълумотларга кўра, ҳозирга қадар туман ҳокимлиги қошида ҳамда секторлар штабида ташкил этилган «Фуқаро қабулхоналари»га келиб тушган 275 та мурожаатдан, 64 таси жойида ҳал этилган. Шунингдек, 110 таси бўйича ҳуқуқий тушунтириш берилган, қолган 101 та муаммоларни тегишли идора ва ташкилотлар билан ҳамкорликда ҳал этиш чоралари кўрилмоқда.
Бундан ташқари, аҳоли хонадонларида олиб борилган ўрганишлар давомида аниқланган 1345 ижтимоий муаммолардан 1307 ҳал этилган. 528 нафар фуқаронинг Тошкент шаҳридаги қурилиш объектларига етиб бориши, 157 нафар фуқаронинг эса оилавий ва шахсий масалаларни ҳал этишлари учун чегарадан хавфсиз ўтказилиб, Фарғона шаҳрига юборилиши таъминланган.
Шунингдек, 139 нафар («Агробанк» – 80 ва «Халқ банки» – 59) фуқарога жами 2 миллиард 36 миллион сўмлик имтиёзли кредитлар берилган.
Туман аҳолисининг соғлиғини назорат қилиш учун Тошкент шаҳри, Андижон вилояти ва Фарғона шаҳридан келган 19 нафар малакали шифокор ўз фаолиятларини якунлаб, Фарғона шаҳрига жўнаб кетган. Ҳозирда уларнинг ўрнига янги таркибдаги, ўхшаш ихтисосликдаги шифокорларнинг етиб келишини таъминлаш чоралари кўрилмоқда.
Таъкидланишича, тумандаги 780 та ижтимоий ёрдамга муҳтож оилага 242 миллион сўм ижтимоий нафақа тайинланган ва ушбу оилаларга 23 июнь кунига қадар тўлиқ тўлаб берилиши кўзда тутилган.
Шу билан бирга, туманда йўл қурилиши, газ ва ичимлик суви таъминоти бўйича, ирригация тармоғини таъмирлаш йўналишида, қишлоқ хўжалиги йўналишида, Қурилиш-таъмирлаш йўналишида ҳам ишлар жадал олиб борилмоқда.
Хусусан, 31 май куни содир бўлган тартиббузарликлар натижасида талафот кўрган «Чашма» МФЙнинг Булоқбоши кўчасида яшовчи Равшан Тўхтаназаровга тегишли хонадон тўлиқ бузилиб, унинг ўрнига 28 нафар қурувчи томонидан 6 хонадан иборат ҳовли-жой қурилиши ишлари бошланган.
Мавзуга доир:
Изоҳ (0)