Буюк Британиянинг Daily Mail нашри «Арсенал» ярим ҳимоячиси Месут Ўзилни танқид остига олди ва лондонликлар клуби унинг ҳар бир самарали ҳаракати учун қанча пул тўлаётганини ҳисоблаб чиқди.
2019/20 йилги мавсумда 31 ёшли футболчи барча мусобақаларда 23 та ўйин ўтказди ва умумий миқдорда 1812 дақиқа ҳаракат қилди. Бу вақтда у битта гол урди ва учта голли узатмага муаллиф бўлган. Ўзил умумий миқдорда 1051 узатма (ўртача ҳар бир ўйинда 45,7 та) ва 20 та «подкат» (ўртача 1,15) амалга оширган.
Ўзилнинг «Арсенал»даги маоши ҳафтасига 350 минг фунтни ташкил қилади. Баҳорда футболчи қолган шерикларидан фарқли равишда коронавирус туфайли юзага келган инқироз сабаб маошининг камайишига рози бўлмаганди.
Мавзуга доир: Adidas Месут Ўзил билан ҳамкорликни тўхтатади. Бунинг сабабларидан бири футболчининг сиёсий чиқишлари
Ўзилнинг «Арсенал» билан амалдаги шартномаси 2021 йилнинг ёзига қадар мўлжалланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)