Россия чемпионатининг 23-турида «Ростов» 19 июнь, жума куни «Сочи» майдонига сафар қилди.
Асосий жамоа футболчиларининг олти нафарида коронавирус аниқлангани сабаб «Ростов»нинг асосий таркиби карантинга олинган. Ростовликлар мазкур баҳсни бошқа кунга қолдиришни таклиф қилди, бироқ сочиликлар бу таклифга рад жавобини берди. Шу тариқа «Ростов» сафар учрашувига U-17 ва ўринбосарлар жамоасидаги футболчиларни олиб боришга мажбур бўлди.
Учрашувда кутилмаганда 1-дақиқадаёқ меҳмонлар 17 ёшли Роман Романовнинг голидан кейин олдинга ўтиб олди. Бироқ шундан кейин майдон эгалари рақиб дарвозасига жавобсиз ўнта тўп киритди. Учрашувда Александр Кокорин ҳет-трик қайд этган бўлса, Антон Заболотний ва Дмитрий Полоз дубль муаллифига айланди.
Ушбу ғалабадан сўнг очколарини 27 тага етказиб олган «Сочи» 7-ўринга кўтарилди. «Ростов» (38) эса 4-поғонада қолди.
РПЛ
23-тур баҳси
19 июнь, жума
«Сочи» — «Ростов» 10:1
Голлар: 0:1 – 1 Романов, 1:1 – 6, автогол Абрамов, 2:1 – 15 Кокорин, 3:1 – 44 Кокорин, 4:1 – 45 Заболотний, 5:1 – 47 Заболотний, 6:1 – 51 Кокорин, 7:1 – 53 Новосельцев, 8:1 – 74 Полоз, 9:1 – 86 Полоз, 10:1 – 87 Колдунов.«Сочи»: Жанаев, Миладинович, Мевля, Новосельцев (Милютин, 56), Заика, Маргасов (Имбула, 60), Бурмистров (Колдунов, 69), Набиуллин, Кокорин (Боковой, 69), Заболотний (Полоз, 60).
«Ростов»: Попов, Гирник, Рогава, Калистратов, Абрамов, Куприянов (Каштан, 73), Романов (Кочканян, 46), Горелов, Топурия (Комаров, 61), Хромов (Ставсев, 80), Мостовой, Колотиевский (Корниенко, 46).
Огоҳлантиришлар: Гирник (26), Маргасов (38), Бурмистров (42), Топурия (43), Горелов (63).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)