Давлат статистика қўмитаси 2020 йил январь—май ойларида йирик саноат корхоналари томонидан айрим турдаги саноат маҳсулотларини ишлаб чиқариш ҳажми ҳақида маълумот берди.
Хусусан, енгил автомобиллар ишлаб чиқариш ҳажми ошган. 2019 йилнинг шу даврида 98 780 дона енгил автомобиль ишлаб чиқарилган бўлса, 2020 йилда — 117 925 дона.
Автомобиль ишлаб чиқариш саноатида 2020 йил январь—май ойлари ишлаб чиқарилган автомобиллар ҳажми қуйидагича:
- Nexia Т-250 — 29 408 дона;
- Cobalt — 30 125 дона;
- Lacetti-Gentra — 21 310 дона;
- Damas — 22 150 дона;
- Spark — 12 162 дона;
- Labo — 2770 дона.
Автомобиль двигателларини ишлаб чиқариш ҳам кўпайган. 2019 йилда 78,3 минг дона двигатель чиқарилган бўлса, 2020 йилда ушбу кўрсаткич 94,2 мингни ташкил этмоқда.
2020 йилнинг январь—май ойларида трактор ишлаб чиқариш ҳажми 623 донани ташкил этди (2019 йилда — 338).
Аввалроқ Россияда Ўзбекистонда ишлаб чиқарилган Chevrolet бренди остидаги машиналар савдоси бошлангани тўғрисида хабар берилганди.
Мавзуга доир: UzAuto Motors ишлаб чиқарган машиналарни четдан олиб киришда бож тўловини бекор қилиш таклиф этилмоқда
Изоҳ (0)