Тошкентдаги Вирусология илмий-текшириш институти клиникасида 20 нафар, Тошкент тиббиёт академиясининг кўп тармоқли клиникасида 11 нафар ҳамда Самарқанд вилоятида 4 нафар, жами 35 нафар коронавирус инфекциясига чалинган бемор соғайди ва 17 июнь куни ўз уйларига кузатилди, деб хабар бермоқда ССВ матбуот хизмати.

Вирусология илмий-текшириш институти клиникасида тузалганларнинг 11 нафари эркаклар, 9 нафари аёллар бўлиб, ёши каттаси 58 ёшда, ёши кичиги эса 2017 йилда туғилган. Ҳудудлар кесимида олинса, Тошкент вилоятидан 7 нафар, Тошкент шаҳридан 4 нафар, Фарғона вилоятидан 3 нафар, Сурхондарё ва Самарқанд вилоятларидан 2 нафардан, Қорақалпоғистон Республикаси ва Қашқадарё вилоятидан 1 нафардан.

Тошкент тиббиёт академиясининг кўп тармоқли клиникасида тузалганларнинг 8 нафари эркаклар, 3 нафари аёллар бўлиб, ёши каттаси 47 ёшда, кичиги эса 2019 йилда туғилган. Ҳудудлар кесимида олинса, Тошкент шаҳридан 6 нафар, Тошкент вилоятидан 2 нафар, Самарқанд, Фарғона ва Сирдарё вилоятларидан 1 нафардан.

Эндиликда Тошкент шаҳрида коронавирус инфекциясидан соғайганлар 2062 нафарга етди.

Самарқанд вилоятида тузалганларнинг барчаси (эркак) ушбу вилоятдан. Уларнинг ёши каттаси 70 ёшда, ёши кичиги эса 31 ёшда. Эндиликда вилоятда тузалганлар 372 нафарга етди.

Бундан аввал Ўзбекистонда коронавирусдан соғайганлар сони 4096 нафарни ташкил этаётганди. Эндиликда улар сони 4131 нафарга етди.

Маълумот учун, 17 июнь соат 17:00 ҳолатига кўра, коронавирусга чалинганлар сони  5638 нафарга етди, беморларнинг 19 нафари касаллик асоратлари оқибатида вафот этган.