Хитой пойтахти Пекин шаҳри маъмурияти «Синьфади» улгуржи бозорида коронавирус инфекцияси аниқлангач аҳоли вакилларининг шаҳар ҳудудидан чиқишини тақиқлаб қўйди. Бу ҳақда Reuters хабар қилган.
COVID-19 билан касалланган бемор билан мулоқотда бўлган ва коронавирус инфекциясига чалиниш хавфи мавжуд кишиларга шаҳар ҳудудидан чиқиш тақиқлаб қўйилган. Шунингдек, такси ҳайдовчиларининг ҳам йўловчиларни етказиб қўйиш учун шаҳар ташқарисига чиқишига рухсат берилмаяпти.
Шу билан бирга қўшни провинциялар Хубэй ва Шаньдун билан шаҳарлараро қатновлар вақтинча бекор қилинган, жумладан, Пекин аэропортига олиб борадиган йўналишлар қисқарган ёки бутунлай бекор бўлган.
Айрим провинцияларда Пекиндан келган одамлар карантинга олинмоқда. Шанхай маъмурияти COVID-19 юқтириб олиш хавфи юқори ёки ўртача бўлган ҳудудлардан келган фуқароларни 14 кунлик карантинга олмоқда.
Мавзуга доир:
Охирги уч кун давомида Хубэй, Ляонин ва Сичуань провинцияларида «Синьфади» бозорига алоқадор касалланиш ҳолатлари кузатилган.
Изоҳ (0)