Жанубий Корея ҳарбийлари КХДРнинг Кэсон шаҳридаги Кореялараро алоқа офисининг портлатилиши билан боғлиқ видеони эълон қилди. Бу ҳақда South China Morning Post хабар берган.
Нашр бинонинг портлатилиши ҳақидаги видеода Жанубий Кореянинг «Ренхап» агентлиги ва мамлакат Мудофаа вазирлиги ахборотига таянган.
КХДР ҳукумати Кореялараро алоқа офисининг бузиб ташланиши Шимолий Кореянинг хоҳиши билан амалга ошганини тасдиқлаган.
Шимолий Корея Марказий телеграф агентлиги ҳам офис буткул яксон этилгани тўғрисидаги хабарни тасдиқлаган ва бу Жанубий Корея билан алоқаларнинг буткул узилганини англатишини қайд этган.
Жанубий Корея бирлашув масалалари бўйича вазири Ким Ён Чхоль КХДР ҳукуматининг Кэсондаги портлатиш ҳақида олдиндан қисман огоҳлантирганини билдирган.
Ўтган ҳафтада Шимолий Корея ҳукумати Сеул билан барча алоқаларни бутунлай узишини эълон қилган. Ушбу қарорга Жанубий Корея ҳудудидаги фаолларнинг Шимолий Корея ҳудудига тарғибот варақаларини улоқтиргани сабаб бўлган. Икки Корея бирлашган ишлари бўйича вазирлиги ҳам алоқани ўрната олмаган. Жанубий Корея ҳукумати Шимолий Корея билан боғлиқ ҳар қандай вазият юзасидан жавоб беришга тайёрлигини таъкидлаб, КХДРни икки мамлакат ўртасидаги ҳарбий битим бўйича келишувларни амалга оширишга чақирган.
Изоҳ (0)