Ўзбекистон Президенти Шавкат Мирзиёев раислигида 16 июнь, сешанба куни хизмат кўрсатиш ва ички туризм соҳаларини ривожлантириш масалалари бўйича видеоселектор йиғилиши ўтказилди. Бу ҳақда Президент матбуот хизмати хабар берди.
Маълум қилинишича, ички туризм соҳасида 200 мингдан зиёд аҳолини иш билан таъминлаш мумкин. Шунингдек, туризмга хизмат қилувчи умумий овқатланиш, транспорт, чакана савдо каби йўлдош тармоқларда яна кўплаб иш жойлари ташкил этилади.
Мавзуга доир: Ўзбекистонда хизмат кўрсатиш соҳасини ривожлантириш учун 1 трлн сўмдан зиёд кредит маблағлари ажратилади
Туризмни ривожлантириш давлат қўмитасига вазирлик, идоралар ва ҳокимликлар билан бирга янги ички туризм маршрутлари очиш, кўчма дам олиш масканларини кўпайтириш, тиббиёт ва соғломлаштириш туризмини тараққий эттириш бўйича кўрсатмалар берилди.
Ҳокимлар ва сектор раҳбарларига сайёҳлар борадиган барча объектлар, меҳмонхона ва овқатланиш шохобчаларида карантин қоидаларига қатъий амал қилинишини таъминлаш юклатилди.
Эшлатиб ўтамиз, Ўзбекистонда 1 июндан «яшил» ва «сариқ» ҳудудларда ички туризм ўз фаолиятини қайта бошлади. Шунингдек, туризм соҳасига бир қатор имтиёзлар ва имкониятлар тақдим этилди.
Изоҳ (0)