Ўзбекистонда 14 июнь куни соат 15:40 га қадар жами 36 киши коронавирусдан соғайиб, реабилитацияга кузатилди. Соғлиқни сақлаш вазирлигидан маълум қилишларича, 22 киши Тошкент шаҳрида, 10 киши Бухоро вилоятида, тўрт киши эса Наманган вилоятида тузалган.
Тошкент шаҳри ва вилоятида жами касаллик аниқланганлар сони 2755 нафар бўлиб, шундан 1897 нафари соғайди. Ҳозирда Тошкентда 847 нафар инфекцияга чалинган бемор даволанмоқда.
Бухорода шу пайтгача 475 ҳолатда касаллик қайд этилган. 14 июнь куни вилоятда соғайганлар сони 467 нафарга етди. «Шу кунларда бухоролик шифокорлар 8 нафар бемор ҳаёти учун курашмоқда», — дейилади ССВ ахборотида.
Наманганда жами касаллик қайд этилганлар сони 273 нафар бўлиб, шундан 258 нафари тузалди. Беморлардан 4 нафари вафот этган эди. Айни пайтда 11 нафар бемор даволанмоқда.
«Шундай қилиб, бугун ҳозирги соатгача мамлакатимизда коронавирус инфекциясидан 36 нафар бемор соғайиб, касалликдан фориғ бўлганлар 3910 нафарга етди», — дейилади ССВ ахборотида.
