Ўзбекистонда «сариқ» ва «яшил» тоифаларга ажратилган ҳудудлар ўртасида санитария-гигиена қоидаларига қатъий риоя этган ҳолда поездлар қатнови тикланишига рухсат берилди. Бу ҳақда 14 июнь куни Республика махсус комиссияси қарорига асосланиб, Telegram’даги @koronavirusinfouz канали хабар берди.
Қайд этишларича, фуқароларга қулайликлар яратиб бериш мақсадида ва республикада эпидемиологик вазиятдан келиб чиққан ҳолда Республика махсус комиссияси қуйидаги поездлар қатнови тикланишига рухсат берган:
- Тошкент—Бухоро—Тошкент;
- Тошкент—Термиз—Тошкент;
- Тошкент—Хива—Тошкент;
- Тошкент—Нукус—Тошкент;
- Андижон—Хива—Андижон;
- Андижон—Бухоро—Андижон;
- Андижон—Термиз—Андижон.
Шунингдек, Тошкент—Самарқанд—Тошкент йўналиши бўйича санитария-эпидемиологик талабларга қатъий риоя этган ҳолда «Афросиёб» поездларининг қатновлари йўлга қўйилишига рухсат берилган.
Мавзуга доир:
- Ўзбекистонда машинада ёлғиз кетаётган ҳайдовчининг ниқоб тақмаслигига расман рухсат берилди
- Ўзбекистонга Хитой ва Кореядан келганлар энди карантинга олинмайди
- Ўзбекистонликларга ўқиши ва ишини давом эттириш учун чет элга авиақатновлар орқали чиқишга рухсат берилди
- Ўзбекистонда кучайтирилган санитария-гигиена назорати 1 августгача сақланиб қолади
Изоҳ (0)