Испания Ла Лигасининг 28-туридан ўрин олган «Мальорка» — «Барселона» учрашувига томошабинлар киритилмаган бўлишига қарамай, майдонга Аргентина терма жамоаси либосини кийиб олган мухлис югуриб чиқди. Шундан сўнг уни хавфсизлик ходимлари майдон олиб чиқиб кетди.
Учрашув 4:0 ҳисобида каталон клуби фойдасига ҳал бўлди. Меҳмонлар сафида голларга Артуро Видаль, Мартин Брэйтуэйт, Хорди Альба ва Лионель Месси муаллифлик қилди.
Ушбу ғалабадан сўнг «Барселона» очколари сонини 61 тага етказиб олиб, турнир жадвалида пешқадамлик қилаётган бўлса, «Мальорка» 25 очко жамғарган ҳолда 18-ўриндан жой олган.
Эслатиб ўтамиз, коронавирус пандемияси сабаб уч ойлик танаффусдан сўнг Испания чемпионати қайта тикланди. Учрашувлар эса эҳтиёткорлик юзасидан томошабинларсиз ўтказилмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)