«Дарё» таҳририятига Наманган вилояти Чуст тумани Олмос қишлоғида яшовчи Шерзод Турсунов мурожаат қилиб, оққон касаллигига чалинган фарзанди Иззатилло Мусиналиевга моддий ёрдам сўради.

Фото: «Дарё»

Иззатилло Мусиналиев 2015 йил 29 октябрда Наманган вилояти Чуст туманида туғилган. 2019 йил октябрь ойида Наманган вилоятида анализ топширганида шифокорлар болакайда оққон касаллиги борлигини айтишган.

Ота-онаси Изатиллони октябрь ойининг ўзидаёқ пойтахтдаги Гематология ва қон қуйиш илмий текшириш институтига ётқизган.

«Икки қизим, бир ўғлим бор. Иззатилло кенжам, битта-ю битта ўғлим. Тенгдошлари каби кўчада ўйнаб-кулиб юрадиган пайтида касаллик билан олишиб ётибди.

Ҳозиргача бешта курсни тугатдик. Ҳар бир курсимизга 30-35 миллион сўм кетди. Дорилари жуда қиммат. Вақти келса дориларни ўзимиздан топа олмай, хориждан сотиб олдик. Карантин туфайли нарх-наво кўтарилиб кетган, жуда қийналиб қолдик. Ҳали яна олдинда 3 та курсимиз бор.

Наманганда деҳқончилик қилиб кун кечирардик. Лекин боламга қараш, дори-дармонларини  етказиб бераётганим учун Тошкентда аёлим билан яшаяпмиз. Иш тополганим ҳам йўқ. Дори- дармонларга қийналиб қолганим учун сизларга мурожаат қиляпман.

Ҳозир саховатли инсонларнинг ёрдамига жуда-жуда муҳтожман. Мендан қайтмаса, Аллоҳдан қайцин. Умрим сўнгига қадар дуодаман», — дейди биз билан суҳбатда бўлган болакайнинг отаси Шерзод Турсунов

Фото: «Дарё»

Барча саховатли юртдошларимиздан Иззатилло Мусиналиевнинг соғайиб кетиши учун ёрдам беришларини сўраймиз.

Иззатилло Мусиналиевга хайрия қилишни истаганлар учун керакли маълумотлар:

Пластик карта орқали:

Шерзод Турсунов номида

Uzcard- 8600 0304 7533 0118

Сбербанк: 5336 6901 9860 2643

Паспорт маълумотлари:

Турсунов Шерзод АБ  3947097

Мурожаат учун отасининг телефон рақами: +998941505655