Ўзбекистонда 13 июнь соат 23:00 ҳолатига кўра, коронавирусга чалинганлар сони 29 нафарга кўпайди ва коронавирус инфекцияси қайд этилганлар сони 4966 нафарга етди. Бу ҳақда Соғлиқни сақлаш вазирлиги хабар бермоқда.
Янги касалланиш ҳолатларининг
- 18 нафари карантин марказидаги фуқаролар орасида;
- 4 нафари Қорақалпоғистон Республикасида (шундан 3 нафари аҳоли орасида, 1 нафари халқаро юк ташувчи автомашина ҳайдовчиси);
- 6 нафари Сирдарё вилоятида хориждан чегара пост орқали кириб келган халқаро юк ташувчи автомашина ҳайдовчиларида;
- 1 нафари Тошкент шаҳрида коронавирусга чалинганлар билан мулоқотда бўлган фуқарода аниқланган.
«Ҳозирда мамлакатимизда даволанаётган 1073 нафар беморга шифокорларимиз томонидан белгиланган стандартлар бўйича даво чоралари кўрилмоқда», — дейилади ССВ хабарида.
Маълумот учун, Ўзбекистонда ҳозиргача 3874 нафар коронавирус инфекциясига чалинган фуқаро соғайган, 19 нафар бемор эса касаллик асоратлари оқибатида вафот этган.
