«Самарқанд йўллардан мунтазам фойдаланиш» унитар корхонаси Жомбой, Оқдарё туманлари ҳамда Самарқанд шаҳри маҳаллаларини бирлаштирувчи кўприк қурмоқда. Ўтган икки ой муддат ичида узунлиги 80 метрни ташкил қиладиган мазкур кўприкнинг 70 фоиз ишлари якунланган. Бу ҳақда «Дарё» мухбири Фарҳод Норбўтаев хабар берди.
Оқдарё устида қурилаётган мазкур кўприк 3 миллиард сўм маблағ эвазига барпо этилмоқда.
«Карантин шароитида ҳам барча эҳтиёт чораларини кўрган ҳолда кўприк қуриш ишлари олиб борилмоқда. Кўприк бир ойдан сўнг фойдаланишга топширилиши кўзда тутилган. Мазкур кўприк фойдаланишга топширилса, узоқ йиллардан буён ушбу ҳудудда яшовчи аҳолини қийнаб келаётган муаммо бартараф этилади», — дейди «Самарқанд йўллардан мунтазам фойдаланиш» унитар корхонаси раҳбари Муродхон Ҳожихонов.
Корхона раҳбарининг маълум қилишича, аввал мазкур ҳудудда кўприк бўлмаган.
Изоҳ (0)