Америкалик хонанда, продюсер, актриса Бейонсе ўтган йили «Қирол шер» мультфильми саундтрекини ижро этиб, Disney оиласи аъзосига айланган эди, деб ёзади Harper’s Bazaar.
Бейонсе, шунингдек, шер Налага ҳам овоз берган эди.
Ушбу ҳамкорликдан икки томоннинг ҳам кўнгли тўлгани учун кинокомпания хонандага яна бир таклиф билан мурожаат қилди. R&B қироличаси Disney билан 100 миллион долларлик шартномани имзолашга тайёрланмоқда.
Хонанда кинокомпаниянинг яна учта лойиҳасида иштирок этади. Улардан бири 2021 йилда экран юзини кўрадиган «Қора пантера» эканлиги маълум, қолган икки лойиҳа ҳозирча ошкор этилмаяпти.
Хонанда ва компания ўртасидаги музокаралар давом этмоқда. Шартноманинг айрим жиҳатлари муҳокама қилинмоқда, асосий масалалар бўйича томонлар келишувга эришган.
Изоҳ (0)