Қозоғистонда энг кўп сотилган автомобиллар Топ-10 рейтингига Ravon Nexia R3 автомобили етакчилик қилди. Бу ҳақда «Ўзавтосаноат» АЖ ахборот хизмати хабар берди.
Таъкидланишича, май ойида Қозоғистонда 1007 дона Ravon Nexia R3 модели сотилган. Ravon Nexia R3’дан кейинги поғонадан Lada Granta (794 нусха) ва Hyundai Tucson (707 нусха) ўрин олган.
Таҳлилчиларнинг маълумотларига кўра, Қозоғистон автомобиль бозорида савдо 2019 йилнинг шу даври билан таққослаганда 6 фоизга ўсган. Ўтган йили Қозоғистонда 3 536 дона Ravon Nexia R3 сотилган эди.
Бундан ташқари, Ravon маркаси Қозоғистон бозорида етакчилик қилаётган Топ-5 брендлар рўйхатига кирган.
Мавзуга доир: Ўзбекистонда йиғилган Chevrolet моделларининг Россия бозорларида сотувга чиқиш муддати кечиктирилди
Изоҳ (0)