2004 йилда ишлаб чиқарилган Ferrari Enzo спорт автомобили онлайн кимошди савдоларида рекорд нархга — 2,64 миллион долларга сотилди. Спорткар Sotheby’s онлайн-аукциони орқали сотилган энг қиммат автомобилга айланди, деб хабар беради Business Insider.
Ferrari Enzo чекланган миқдорда ишлаб чиқарилган — 400 нусхада.
Спорт автомобилига икки хил рангли ноёб Enzos пойга ўриндиқлари ўрнатилган. Максимал тезлиги соатига 350 километрга тенг. Спорткар ҳозирга қадар 2011 километр масофа босган бўлиб, унга икки киши эгалик қилган.
«Автомобиль бугунги кунгача ажойиб ҳолда сақланиб қолган: у худди узоқ турса, сифати яхшиланадиган винога ўхшайди. Шикоят қилса бўладиган ягона нарсаси — кузовидаги бир-иккита майда нуқсонлар. Автомобиль салони ҳам минимал даражада емирилган», — дейди кимошди уйи вакили.
Таъкидлаш керакки, Ferrari Enzo 2003 йилда 650 минг доллардан сотилган.
Изоҳ (0)