Qozog‘istonda eng ko‘p sotilgan avtomobillar Top-10 reytingiga Ravon Nexia R3 avtomobili yetakchilik qildi. Bu haqda “O‘zavtosanoat” AJ axborot xizmati xabar berdi.
Ta’kidlanishicha, may oyida Qozog‘istonda 1007 dona Ravon Nexia R3 modeli sotilgan. Ravon Nexia R3’dan keyingi pog‘onadan Lada Granta (794 nusxa) va Hyundai Tucson (707 nusxa) o‘rin olgan.
Tahlilchilarning ma’lumotlariga ko‘ra, Qozog‘iston avtomobil bozorida savdo 2019-yilning shu davri bilan taqqoslaganda 6 foizga o‘sgan. O‘tgan yili Qozog‘istonda 3 536 dona Ravon Nexia R3 sotilgan edi.
Bundan tashqari, Ravon markasi Qozog‘iston bozorida yetakchilik qilayotgan Top-5 brendlar ro‘yxatiga kirgan.
Mavzuga doir: O‘zbekistonda yig‘ilgan Chevrolet modellarining Rossiya bozorlarida sotuvga chiqish muddati kechiktirildi