Тошкент вақти билан 14 июнь тонгида Лас-Вегас шаҳрида (Невада штати, АҚШ) UFC ўзининг навбатдаги мусобақасини ўтказади.
Эътиборлиси унда ўзбекистонлик MMA жангчиси Зарруҳ Адашев ҳам иштирок этади. Зарруҳ UFC билан шартнома имзолаган. У UFC’га қадар Bellator промоушени байроғи остидаги мусобақаларда қатнашган. MMA’даги натижаси эса шундай: тўртта жанг, учта ғалаба ва битта мағлубият. Самарқандлик 27 ёшли спортчи MMA’га қадар кикбоксинг билан профессионал тарзда шуғулланган.
Адашевга ушбу жангда таржибали спортчи Тайсон Нем рақиблик қилади. Америкалик жангчи ҳозиргача MMA’да 30 та жанг ўтказган, шулардан 18 тасида ғалаба қозонган, 11 тасида мағлуб бўлган ва битта жангида дуранг қайд этилган.
Шу тариқа UFC промоушенида ўзбекистонлик спортчилар икки нафарга етди. Нуфузли ташкилот билан ўзбекистонликлар ичида биринчи бўлиб Маҳмуд Муродов шартнома имзолаганди. Муродов UFC’да иккита жанг ўтказиб, уларнинг иккитасида ҳам ғалаба қозонди.
UFC on ESPN 10 мусобақасининг асосий жанги эса Жессика Эй ҳамда Синтия Калвилло ўртасида кечади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)