Абу-Дабидаги «Жангчилар ороли»да 11 июль куни UFC 251 мусобақаси ўтказилади. Бу ҳақда UFC матбуот хизмати маълум қилди.
Кечанинг асосий жанги ярим ўрта вазн чемпиони Камару Усмон ва Гильберт Бёрнс ўртасида кечади. Бёрнс 31 май куни бўлиб ўтган UFC on ESPN 9 мусобақасида ўрта вазн собиқ чемпиони Тайрон Вудлини мағлубиятга учратганди.
Мусобақанинг яна бир марказий тўқнашуви ярим енгил вазн тоифасининг амалдаги чемпиони Александр Волкановски ва собиқ чемпион Макс Ҳоллуэй ўртасидаги реванш бўлади. Биринчи тўқнашув 2019 йилнинг декабрида бўлиб ўтган ва унда Волкановски камарни Ҳоллуэйдан тортиб олганди. Ўша жангда австралиялик жангчи кетма-кет 18-ғалабасини қўлга киритган бўлса, Ҳоллуэйнинг 13 жангдан иборат ғалабали сериясига якун ясалганди.
UFC 250 да яна бир чемпионлик жанги ўта енгил вазн тоифаси вакиллари Петр Ян ва собиқ чемпиони Жозе Алдо ўртасида кечади. Мазкур вазн тоифаси чемпиони Генри Сеҳудо UFC’ни тарк этишини эълон қилгач, чемпионлик камари эгасиз қолганди.
Шу тариқа мусобақада учта чемпионлик жанги бўлиб ўтади.
Шунингдек UFC 250 асосий кардидан аёллар ўртасидаги икки жанг ҳам ўрин олди:
Жессика Андраде — Роуз Намаюнас
Аманда Рибас — Пейж Ванзант
Изоҳ (0)