Янгийўл тумани ҳокимлиги 2020 йилнинг 3—4 июнь кунлари тумандаги «Маданият» маҳалласида яшовчи фуқаронинг ҳовлисида қазилган чуқурдан қадимий қабр топилганини хабар қилди.
Хабарга кўра, 5 июнь, жума куни хонадон эгаси томонидан қилинган мурожаат асосида Тошкент вилояти маданий мерос бошқармаси, Янгийўл туман ҳокимлиги, туман прокуратураси ва туман ИИБ бўлими ҳамда жамоатчилик вакиллари томонидан фуқаро яшаб турган турар жой ҳовлисида қазилган чуқурда қазишма ишлари олиб борилган.
Амалга оширилган қазилма ишларига кўра, ушбу қабр «Қовунчи» маданиятига оид бўлиб, у милоддан аввалги III, милоднинг III-IV асрларига оид эканлиги қайд этилди.
Қабрдан ўша даврда яшаган одамларнинг суяк қолдиқлари (1 та скелет) ва 9 хилдаги турли ҳажм ва шаклдаги сопол буюмлари (1 донаси синиқ ҳолда ҳамда 1 дона аёллар мунчоғи) олинган.
Айни чоғда ушбу қадимий топилма Янгийўл шаҳар Усмон Юсупов уй-музейига далолатнома асосида топширилган, дейилади хабарда.
Изоҳ (0)