Тошкент ҳалқа метро линиясининг биринчи босқичи бўлган Дўстлик–Қўйлиқ метро линияси қуриб битказилди. Бу ҳақда пойтахт ҳокимлиги матбуот хизмати хабар берди.
Маълумотларга кўра, метронинг ушбу участкасида 7 та бекат барпо этилган. Янги йўналишнинг узунлиги 11 километрга тенг.
Ушбу йўналишда поездларнинг ўртача юриш тезлиги соатига 60 километрни ташкил этади. Ҳаракатланиш оралиқ вақти 4 дақиқадан иборат. Бекатлар 5 та вагон тўхташи учун мўлжалланган.
«Ҳар бир бекат миллий меъморчилик услубига хос тарзда қурилди, улар кўриниши ва безатилиши жиҳатидан бир-бирини такрорламайди. Метро линияларининг эстакада йўналишида ҳаракатланадиган замонавий ва юқори сифатли, йўловчилар учун барча қулайликларга эга вагонлар келтирилган», — дейилади хабарда.
Аввалроқ Тошкент ерусти метроси учун яна 10 та «Москва» поезди сотиб олингани ҳақида хабар берилганди.
Мавзуга доир:
Изоҳ (0)