АҚШнинг Айова штатида нодир Messerschmitt KR200 автомобили сотувга қўйилди. 1960 йилда ишлаб чиқарилган автомобилнинг том қисми очилади. Ноёб транспорт воситаси 17,5 минг доллар эвазига сотилмоқда, деб хабар беради Barnfinds.
Messerschmitt KR200 — немис авиамуҳандиси Фтис Фендомнинг ижоди. Умуман олганда, автомобиль кабина қисми очиладиган уч ғилдиракли мотоколяскага ўхшайди.
Машина салонида ҳайдовчи ва йўловчи учун иккита ўриндиқ мавжуд — улар кетма-кет жойлашган, рули эса самолёт штурвалини ёдга солади. Автомобилга ҳаво ёрдамида совутилувчи бир цилиндрли двигатель ўрнатилган бўлиб, Messerschmitt KR200 соатига 90 километргача тезликда ҳаракатлана олади.
Эълон қилинган суратларга қараганда, автомобиль рестоврацияга муҳтож. Таъкидланишича, бу турдаги минимобиллар 1955 йилдан 1964 йилга қадар ишлаб чиқарилган.
Мавзуга доир:
Изоҳ (0)