Фарғона вилояти Учкўприк туманида 16 ёшли ўсмир бошқарган Lacetti’нинг ағдарилиши оқибатида бир нафар вояга етмаган шахс вафот этди. Бу ҳақда Фарғона вилояти ички ишлар бошқармаси хабар қилган.
Хабарга кўра, 1 июнь куни вояга етмаган А.Қ. бошқарувидаги Lacetti «Қўқонбой» маҳалласида бошқарувни йўқотиш оқибатида ағдарилган. Автомашина ичида бўлган вояга етмаган йўловчи А.Я. шифохонада вафот этган.
Ҳолат юзасидан Учкўприк тумани ИИБ ҳузуридаги тергов бўлими томонидан Жиноят кодексининг 266-моддаси 2-қисми (Транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, тергов ҳаракатлари олиб борилмоқда.
Изоҳ (0)