13 июнь санасидан футбол бўйича Ўзбекистон Суперлигаси ўйинларига рестарт берилади. Учрашувлар карантин чекловлари туфайли томошабинларсиз ўтказилади.
Тошкентнинг «Бунёдкор» ва Қаршининг «Насаф» клуби мухлислари Суперлига ўйинлари пайтида ўз суюклиларини ўзига хос тарзда қўллаб-қувватлашга қарор қилди.
Унга кўра, ҳар иккала жамоа мухлисларининг фотосуратлари стадион трибуналарига жойлаштирилиб чиқилади. Мухлислар шу йўл билан футболчиларга руҳий далда бўлишни режалаштирган.
Эслатиб ўтамиз, Суперлиганинг 4-турида «Бунёдкор» ўз уйида «Қўқон 1912»ни қабул қилади. «Насаф» – «Навбаҳор» учрашуви эса 14 июнь санасига белгиланган. Ҳар иккала ўйин ҳам «Спорт ТВ» орқали тўғридан-тўғри намойиш этилади.
Мавзуга доир:
- «Боруссия М» стадионига мухлислар ўрнига уларнинг суратлари акс этган 12 минг манекен жойлаштирилди (фото+видео)
- «Бу ерда эмассиз, бироқ биз билансиз». «Кёльн» стадиони ўриндиқлари мухлислар либослари билан тўлдирилди (фото)
- Данияда футбол мухлислари ўйинни Zoom орқали кузатиб борди (фото)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)