Мерилин Монро ҳаёт бўлганида 1 июнь куни 94 ёшни қаршилаган бўларди. Голливудда оз фурсат ичида ўз ўрнига эга бўлган актриса ҳақида қизиқарли маълумотлар билан бўлишамиз.
1. Мерилиннинг ҳақиқий исми Норма Жин Бейкер бўлган. Унга исми ва соч рангини ўзгартиришни 53 яшар киноагент Жон Ҳайд маслаҳат берган. Таклиф қилинган исмлар рўйхатида Керол Линд, Клер Норман ва Мерилин Миллер исмлари бўлган.
2. Мерилиннинг болалиги осон кечмаган. Оилавий можаролар сабаб бошқа оилада, кейинчалик болалар уйида яшашга мажбур бўлган. Ёш турмуш қурган актриса ҳаво йўллари заводига ишга киради ва айнан шу жойда моделликка таклиф бўлади.
3. Монро Chanel № 5 ифори, Guerlain Rouge Diabolique лаб бўёғи ва Helena Rubinstein тушидан фойдаланишни ёқтирган.
4. Фотомоделлик фаолиятини бошлаганига кўп бўлмаган Мерилин сурати Life журналининг муқовасида нақд тўрт маротаба чоп этилган.
5. Кўпчилик актрисани миллионер бўлган деб ҳисоблайди, лекин аслида бундай эмас. Актриса олган энг катта гонорар «Жазда фақат қизлар» фильми учун берилган бўлиб, маблағ 300 миллион долларни ташкил қилган.
6. Мерилиннинг севимли кийим брендлари Emilio Pucci, Salvatore Ferragamo, Christian Dior вa Jean Louis бўлган.
7. Монро 3 марта турмуш қурганига қарамай, АҚШ президенти Жон Кеннеди билан ишқий муносабатлари энг кўп муҳокамаларга сабаб бўлган.
8. 36 ёшида вафот этган актриса карьераси давомида атиги учта мукофот — «Олтин глобус», «Давид ди Донателло» ва «Генриетта мукофоти»ни қўлга киритган.
Изоҳ (0)