Ўтаётган йиллар кишилар ташқи кўринишига таъсир ўтказмай қолмайди. Лекин неча ёш бўлишидан қатъи назар гўзаллиги ўзгармаган санъат вакиллари борки, уларнинг суратларига назар ташлаган киши ҳайратланмай қолмайди.
Шер
Поп йўналишидаги ўзига хос ижроси билан яхши маълум бўлган, 70 йилларда ўзига яраша муваффақиятга эришган қўшиқчининг 74 ёшда эканига ишониш қийин. Ташқи кўриниши йиллар ўтса ҳамки, сезиларли ўзгармаган, қомати ҳали-ҳануз келишган қўшиқчининг бундай натижага эришишида тинимсиз спорт билан шуғулланиш ва тўғри овқатланишга амал қилишнинг роли катта.
Женнифер Энистон
51 ёшли актриса Женнифер Энистоннинг қиёфасига назар ташлаб, уни кўпи билан 35 ёшда деб тахмин қилиш мумкин. Энистон ҳамма гап рационга эътиборли бўлиш, соғлом турмуш тарзига риоя қилишда деб билади.
Ҳолли Берри
Ҳоллининг ҳамиша ёш кўриниши мухлисларни доим ҳайратга солган. Юлдузнинг хипча бели, спортчиларникидек келишган қомати, таранг ва муаммосиз териси 54 ёшда эканига шубҳа уйғотади. Ҳолли бундай натижага спорт билан мунтазам шуғулланиб эришган. У ҳафтасига беш кун махсус дастур асосида спорт машқлари, хусусан, бокс билан шуғулланади.
Моника Белуччи
Италиялик актриса карьерасини бошлаганидан то бугунга қадар маҳорати ва гўзал ташқи қиёфаси билан миллионлаб кишилар қалбидан жой олган. Юзидаги сезилар-сезилмас бир-икки ажинни айтмаганда унинг 55 ёш эканига ишониш қийин. Белуччи юқоридаги машҳурлардан фарқли ўлароқ, спортга муккасидан кетмаган, у гўзаллик сирини ўзини яхши кўриш, қадрлаш, эътибор бериш ва ҳаётдан завқланишда деб билади.
Изоҳ (0)