Фарғона вилояти Фурқат тумани Ингичка қишлоғида яширин цемент цехи аниқланди. Бу ҳақда «Ўзсаноатқурилишматериаллари» уюшмаси матбуот хизмати хабар қилган.
Хабарга кўра қишлоқда Turon Eco Cement бренди туширилган қопларни ноқонуний йўллар билан ясаб, цемент ишлаб чиқарилган.
Бош прокуратура ҳузуридаги Иқтисодий жиноятларга қарши кураш департаменти ва Turon Eco Cement МЧЖнинг ички хавфсизлик ходимлари ўтказган рейд натижасида яширин корхона эгаси қопларга сифатсиз, арзон ва ҳеч қандай синов текширув натижаларисиз цемент маҳсулотларини қўлбола усулда қоплаётган пайтда қўлга туширилган.
Мавзуга доир: Давлат экология қўмитаси Андижонда атроф-муҳитга зарар етказган цемент корхонаси фаолиятини вақтинча тўхтатди
Мазкур ҳолат юзасидан тергов-суриштирув ишлари олиб борилмоқда, дейилади хабарда.
Изоҳ (0)