Мазкур акция доирасида «Болажоним» суғурта дастурлари бўйича полисларни сотишдан келиб тушган маблағларнинг 25 фоизи эҳтиёжманд болалар учун хайрия ишларига йўналтирилади.
Узоқ йиллардан бери, 1950 йилдан бошлаб 1 июнь Халқаро болаларни ҳимоя қилиш куни сифатида нишонланиб келинади. Эҳтимол, қилинган кичик бир яхшилик, кўрсатилган меҳр ҳар бир бола ҳимоя қилиш ва қўллаб-қувватлашга, ғамхўрлик ва эътиборга молик эканлигини ёдда тутишга ёрдам беради.
Урф-одатлари, дунёқараши асрлар давомида шаклланиб келган халқимизда гўзал бир хислат борки, у ҳам бўлса боланинг бегонаси бўлмайди деб, ҳеч қачон ажратмайдилар. Ҳар бир бола соғлом, қорни тўқ, усти бут, доимо эътиборда, руҳий ва жисмоний зўравонликдан ҳимоя қилинган бўлиши лозим!
Gross Insurance МЧЖ ўз фаолияти давомида қатор кенг кўламли хайрия акцияларини ташкил қилган. 2019 йилнинг сентябр ойида «Меҳрли қўллар» Имконияти чекланган болалар маркази билан ҳамкорликда Мини-футбол бўйича тўртинчи хайрия турнири ташкил этилди, унда компаниянинг маҳаллий ва хорижий шериклари иштирок этди. 70 миллион сўмдан ортиқ барча тўпланган маблағлар ижтимоий ҳимояга муҳтож болаларда юракда операция амалга оширилиши учун йўналтирилди.
Аҳолининг ҳимояга муҳтож қатламларини ижтимоий қўллаб-қувватлаш ҳамда ҳимоя қилишга қаратилган давлат стратегиясини амалга ошириш мақсадида Gross Insurance ва New Life Insurance компаниялари Халқаро болаларни ҳимоя қилиш кунига бағишланган «Эзгулик қилишга шошилинг!» хайрия акциясини бошлади.
Ушбу мақсадда Gross Insurance суғурта компанияси «Болажоним» суғурта дастурини ишлаб чиқди. Мазкур дастур бахтсиз ҳодиса оқибатларини ёки инфекция касалликларини даволашда молиявий жиҳатдан хотиржамликни ва оила бюджети барқарорлигини таъминлаш имконини беради.
«Болажоним» суғурта маҳсулотининг афзалликлари қуйидагиларда яққол аён бўлади:- Бола шикастланганида ёки инфекция касалликларига чалинганида маблағларнинг сақланиши ва молиявий жиҳатдан хотиржамлик кафолати;
- 20 та турдаги инфекция касалликларидан, шу жумладан COVID-19’дан суғурта ҳимояси;- Суғурта ҳодисасида суғурта тўловини ўз вақтида олиш кафолати;- Мақбул нарх. Суғурта полисининг қиймати 50 минг сўм.
Ушбу акция доирасида «Болажоним» суғурта дастурлари бўйича полисларни сотишдан келиб тушган маблағларнинг 25 фоизи эҳтиёжманд болалар учун хайрия ишларига йўналтирилади. Мазкур Полисни харид қилган ҳолда ўз болангизни нафақат турли хавфлардан, жумладан COVID-19 касаллигидан ҳимоя қилибгина қолмай, балки ёрдамга муҳтож болалар учун хайрия қилишдек савобли ишга ўз беназир ҳиссангизни қўшишингиз мумкин.
Хусусан, «Меҳрли қўллар» Имконияти чекланган болалар маркази, «Лукойл Ўзбекистон Оперейтинг Компани», Surhan Gas Chemical Operating Company МЧЖ чет эл компанияси, Orient Finans Bank ХАТБ каби Компаниянинг шериклари «Эзгулик қилишга шошилинг!» хайрия акцияси юзасидан ўз муносабатларини билдирди. «Лукойл Ўзбекистон Оперейтинг Компани» компанияси Қашқадарё, Бухоро, Тошкент вилоятларида 6 та меҳрибонлик уйларида тарбияланаётган болаларни суғурта қилиш ниятини изҳор қилди.
Шунингдек, gross.uz сайтида мамлакат бўйича меҳрибонлик уйлари ва мактаб-интернатлари жойлашган манзиллар кўрсатилган харита ҳамда улар тўғрисидаги қисқача ахборот жойлаштирилган.
Келинг, мазкур интерактив харитани барча меҳрибонлик уйлари ва мактаб-интернатларини қамраб олган ҳолда биргаликда тўлдирилайлик, бу маълумотлар хайрия қилишни истаган барча-барчага уларни топишга ва уларга ёрдам қўлини чўзишга имкон беради!
Gross Insurance ва New Life Insurance компаниялари ўзининг ҳамкорларини, фуқароларни ва бошқа ташкилотларни ҳам мазкур хайрия акцияда фаол бўлишга чақиради.
Маълумот олиш учун телефон рақами: 1166.
Реклама ҳуқуқи асосида.
Изоҳ (0)