«Бавария» ҳужумчиси Томас Мюллер Бундеслига 29-туридан ўрин олган «Фортуна»га қарши баҳсда (5:0) голли узатма муаллифига айланди.
Бу 30 ёшли футболчи учун Германия чемпионати жорий мавсумидаги 18-ассист бўлди. Шу тариқа Мюллер дастлабки 29 тур ичида амалга оширилган голли узатмалар сони бўйича Бундеслига рекордини ўрнатди, дея хабар қилмоқда Opta. Мазкур статистика Бундеслигада 2004/05 йилги мавсумдан буён ҳисоблаб келинади.
Шунингдек, Мюллер 2019/20 йилги мавсумда ассистлар сони бўйича Европа топ-5 лигалари футболчилари орасида етакчи бўлиб турибди.
Мюллер жорий мавсум Германия чемпионатида 29 ўйин ўтказиб, еттита гол уришга эришган. «Бавария» тарбияланувчиси 2008 йилдан буён асосий жамоада ҳаракат қилиб келади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)