Футбол бўйича Жанубий Корея чемпионатининг 4-турида «Сеул» ва «Соннам» жамоалари 31 май, якшанба куни ўзаро баҳс олиб борди.
Тенг курашлар остида ўтган учрашувнинг сўнгги дақиқаларида меҳмонлар ғалаба тўпини киритишга муваффақ бўлди. 89-дақиқада Томислав Киш соннамликларга ғалаба келтирган гол муаллифига айланди.
Шу тариқа Жамшид Искандаров жамоаси очколарини 8 тага етказиб олган ҳолда мусобақа жадвалининг 3-поғонасига кўтарилди. «Сеул» эса 6 очко билан 6-ўринга тушди.
Учрашувда Жамшид Искандаров тўлиқ ҳаракат қилган бўлса, Икром Алибоев 62-дақиқада захирадан майдонга қўшилди.
Кей-Лига
4-тур баҳси
31 май, якшанба
«Сеул» — «Соннам» 0:1
Гол: 0:1 — 89 Киш.«Сеул»: Ю Сан Ҳун, Ҳан Чҳан Ҳи (Жо Ён Вук, 61), Ким Жу Сон, Ким Нам Чун, Ҳван Ҳён Су, Ко Ё Ҳан (Алибоев, 62), Ким Жин Я, Жу Се Жон, Ҳан Шин Гю (Адриано, 87), Ко Кван Мин, Пак Чу Ён.
«Соннам»: Ким Ён Гван, Чҳве Жи Мук, Ли Те Ҳви, Ён Же Ун, Ҳон Си Ҳу, Чҳве О Бек (Киш, 83), Искандаров, Ли Чан Ён, Квон Сун Ҳён, Чҳве Бён Чан (Ян Дон Ҳён, 33), Ли Же Вон (Лим Сон Ён, 54).
Огоҳлантиришлар: Ли Чан Ён (35), Ким Нам Чун (38), Жо Ён Вук (67).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)