Британиянинг Киддерминстер шаҳрида яшовчи 88 ёшли британиялик аёл Рут Радд TikTok юлдузига айланди, деб ёзади Esquire.

У ижтимоий тармоқда машҳур бўлган Laxed қўшиғига рақсга тушаётгани акс этган ролик 30 миллиондан кўпроқ томоша қилинган.

Рут Радд ўз роликларда ижтимоий тармоқлардаги рақс челленжларидаги ҳаракатларни такрорлайди. Кекса аёлга рақсга тушиш ва видеороликлар суратга олишда унинг неваралари ёрдам беради. Рутнинг видеолари ижтимоий тармоқ фойдаланувчиларининг олқишларига сазовор бўлди.

«Мен шунчаки ҳайратдаман. Ҳеч нарса қилмадим, бироз кулгили ҳаракатларим билан рақсга тушдим ва бирдан машҳур бўлиб кетдим», — дейди Рут Радд.

Кекса аёл карантинда роликлар суратга ола бошлагани ва бу жараён унга вақтини чоғ ўтказишга ёрдам берганини қайд этди.

«Рақсга тушиши менга бахтни ҳис этишга ёрдам берди. Саккиз ҳафта тўрт девор ичида ўтирганимда бу менинг ягона овунчоғим бўлди», — дейди аёл.