YouTube хитойчада «коммунистик босқинчи» ва «50 центли партия» сўзлари ёзилган Хитой Коммунистик партиясига тааллуқли изоҳларни ўчиришни бошлади, деб хабар беради The Verge.
Хитойчада қолдирилган изоҳлар 15 сонияда йўқолиб қолади, бу улар автоматик равишда ўчирилаётганидан далолат беради. Шу турдаги сўзлар инглиз тилида ёзилса, видеохостинг боти уларга тегинмаган.
Видеосервис вакили бу каби изоҳлар ўчирилаётганини тасдиқлаган, бироқ бу тизим хатолиги сабаб содир бўлаётганини маълум қилган. Бу каби хатолик нима сабабдан ва қандай юзага келганига эса аниқлик киритмаган.
YouTube Google’нинг бошқа сервислари каби Хитойда 2009 йилдан бери блокланган. Бунга корпорация мамлакат ҳукуматининг Хитойда қидирув тизимини цензурадан ўтказиш талабидан бош тортгани сабаб бўлган.
2018 йилда Google Хитойда цензурали қидирув тизимини ишга туширишни истаган, бироқ охир-оқибат бу ниятидан қайтган.
Изоҳ (0)