YouTube xitoychada “kommunistik bosqinchi” va “50 sentli partiya” so‘zlari yozilgan Xitoy Kommunistik partiyasiga taalluqli izohlarni o‘chirishni boshladi, deb xabar beradi The Verge.
Videoservis vakili bu kabi izohlar o‘chirilayotganini tasdiqlagan, biroq bu tizim xatoligi sabab sodir bo‘layotganini ma’lum qilgan. Bu kabi xatolik nima sababdan va qanday yuzaga kelganiga esa aniqlik kiritmagan.
YouTube Google’ning boshqa servislari kabi Xitoyda 2009-yildan beri bloklangan. Bunga korporatsiya mamlakat hukumatining Xitoyda qidiruv tizimini senzuradan o‘tkazish talabidan bosh tortgani sabab bo‘lgan.
2018-yilda Google Xitoyda senzurali qidiruv tizimini ishga tushirishni istagan, biroq oxir-oqibat bu niyatidan qaytgan.
Izoh (0)