Германия чемпионатининг энг тезкор футболчилари рейтингида етакчи ўзгарди.
Трансфер ҳуқуқи «Реал»га тегишли, «Боруссия Д»нинг 21 ёшли ҳимоячиси Ашраф Ҳакими Бундеслиганинг энг тезкор футболчисига айланди. Ҳакими Германия чемпионатининг 16-тури доирасида «Лейпциг»га қарши кечган баҳсда (3:3) 36,2 километр/соат тезликка эришганди. 20-турдаги «Унион» билан бўлган ўйинда (5:0) эса Ашраф 36,49 км/соат тезликни қайд этган.
Иккинчи ўриндан «Шальке-04»нинг 19 ёшли ярим ҳимоячиси Рабби Матондо (35,97 км/соат) ўрин олган бўлса, «Кёльн» ҳимоячиси Кингсли Эҳизибу (35,85) кучли учликка якун ясаган.
Бундеслигада мазкур статистика 2011 йилдан буён ҳисоблаб келинади.
2011/12 йилги мавсумдан шу вақтга қадар Бундеслиганинг энг тезкор футболчилари билан танишинг:
1) Ашраф Ҳакими («Боруссия Д») — 36,49 км/соат;
2) Рабби Матондо («Шальке-04») — 35,97 км/соат;
3) Кингсли Эҳизибу («Кёльн») — 35,85 км/соат;
4) Кингсли Коман («Бавария») — 35,66 км/соат;
5) Жерри Сен-Жюст («Майнц») — 35,60 км/соат;
6) Фабиан Жонсон («Боруссия М») — 35,50 км/соат;
7) Пьер-Эмерик Обамеянг («Боруссия Д»/«Арсенал») — 35,44 км/соат;
8) Шералдо Беккер («Унион») — 35,43 км/соат;
9) Лукас Клюнтер («Ҳерта») — 35,40 км/соат;
10) Артём Руднев («Кёльн») — 35,39 км/соат;
10) Ян Розентал («Айнтрахт»/«Олденбург») — 35,39 км/соат.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)