Италияда 12 ёшли бола ортидан қадам-бақадам таъқиб қилган айиқдан ўзини қутқарди

Италия шимолидаги Спорминор коммунасида 12 ёшли бола ортидан қадам-бақадам таъқиб қилган ёввойи айиқдан ўзини қутқарди, деб ёзади La Stampa.

Юз берган ҳолатни боланинг амакиси видеога олди ва унга нима қилишни ўргатди.

12 ёшли Алессандро қариндошлари билан Алп тоғларида дам олаётган эди. Катталар пикник учун жой тайёрлаётган пайтда ўсмир ён-атрофни томоша қилиш ва ноодатий тошларни топиш учун йўл олди. Шу пайтда дарахтлар орқасидан ёввойи айиқ чиқиб қолди.

https://twitter.com/loriscalliari/status/1264559534061817856

Алессандро ушбу сафарга қадар ёввойи ҳайвонлар билан қандай муносабатда бўлиш кераклигини ўрганган эди. У ҳайвонларнинг кўзига қарамаслик ва кескин ҳаракатлар қилмаслик кераклигини яхши биларди. Бола хотиржам тарзда қариндошлари томонга юра бошлади. Оқибатда айиқ уни таъқиб қилишдан воз кечиб, қочиб кетди.