Европа Чемпионлар Лигаси 1/8 финал жавоб баҳси доирасидаги «Ливерпуль» — «Атлетико» учрашуви кўплаб одамларнинг коронавирусдан вафот этишига олиб келди, дея хабар қилмоқда The Sunday Times.
Буюк Британия соғлиқни сақлаш ташкилоти ҳисоботларига кўра, мазкур ўйинда COVID-19 инфекциясини юқтириб олган 41 киши ҳаётдан кўз юмган. Коронавирусга чалинганлар учрашувдан 25—35 кун ўтиб вафот этган.
Учрашув 11 март куни Ливерпулдаги «Энфилд» стадионида бўлиб ўтган ва 2:3 ҳисобида испан клубининг фойдасига ҳал бўлганди. Баҳсни 52 267 томошабин кузатиб борган. Ўша вақтда Англия ва Испанияда карантин қоидалари жорий этилмаганди.
25 май ҳолати бўйича Буюк Британия ва Испанияда умумий миқдорда 542 мингдан зиёд киши коронавирус юқтириб олган. Қурбонлар сони 65,5 мингдан ортиқ.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)