Париж синдроми: Хитойда яратилган Франция пойтахти (фото)

2007 йилда Хитойнинг Гуанчжоу шаҳри яқинидаги Тяньдучэн аҳоли яшаш пунктида Париж шаҳри нусхаси яратилган.

Асли парижлик бўлган фотограф Франсуа Прост ўз шаҳрининг Хитойдаги версиясини суратга олди ҳамда суратларни асл диққатга сазовор масканлар билан солиштирди, деб ёзади Esquire.

Суратларга қараб Францияни Хитойдан ажратишга уриниб кўринг.

Қурилиш ташаббускорлари Тяньдучэнда тахминан 10 000 киши яшашини ҳисоб-китоб қилган эди. Беш йил олдин бу ерда бор-йўғи икки минг киши яшарди. Аҳоли яшаш пунктида Гуанчжоунинг бошқа ҳудудларига қараганда ҳаёт кечириш арзонроқ.

2017 йилда 1,7 миллион хитойлик Парижга бир-икки кунга ташриф буюрган ҳамда суткасига 180 евро сарфлаган. Бунда Франциядаги қимматбаҳо буюмлар харидорларининг 40 фоизи хитойликлар ҳисобланади. Улар шопингга ўрта ҳисобда битта ташриф доирасида 11 минг евро сарфлайди.

Вақт ўтиши билан кун кечиришнинг арзонлиги Тяньдучэнга одамлар оқимини тезлаштирди. Ҳозирда бу ерда 30 мингдан кўпроқ киши яшайди. Бу эса бир квадрат километрга бир киши дегани.

Тяньдучэн аҳоли яшаш пункти номи «само пойтахти» деб таржима қилинади. Кичик Париж қурилишига 474 миллион евро сарфланган. Бугунги кунда Хитой ҳукумати бундай турдаги археологик объектлар мамлакат социалистик идеологиясига тўғри келмайди, деб ҳисоблайди.

Парижнинг XIII округида Европадаги энг йирик Чайна-таун жойлашган. У ерда 50 минг киши яшайди, уларнинг орасида вьетнамликлар ва лаосликлар ҳам бор. Франциядаги Хитой диаспораси 700 минг кишини ўз ичига олган.