Турк сериал ва фильмлари дунё кино саноатида ўзига яраша ўрин олди. Томошабинлар интизорлик билан кутадиган фильм ва сериалларда роль ижро қилган актёр ва актрисалар эса миллионлаб қалбларни забт этди. Маҳорати ва истеъдоди билан севимли бўлишга улгурган латофатли актрисалар кимга турмушга чиққан? Қуйида ушбу саволга фото орқали жавоб берамиз.

Неслихон Атагул (27 ёш) ва Қодир Догулу (38 ёш)

Фото: Getty Images

«Севги изтироби», «Элчининг қизи» фильмлари билан яхши маълум бўлган Неслихон Атагулнинг турмуш ўртоғи ҳам кино олами вакили ҳисобланади. 2013—2014 йилларда «Ишқ соҳиллари» фильмида биргаликда роль ижро этган жуфтлик 2016 йилнинг 8 июлида турмуш қурган.

Бергюзар Корел (37 ёш) ва Халит Эргенч (50 ёш)

Фото: Getty Images

Актёр ва актрисани юлдузли жуфтлик деб атаса ҳам бўлади. «Қашқирлар макони: Ироқ», «Бир севги, икки ҳаёт» фильмларида маҳорат билан роль ижро қилган Корел «Муҳташам юз йил» фильмидаги «Султон Сулаймон», яъни Ҳалит Эргенч билан «Сен менинг ватаним» ҳамда «Бир минг бир кеча» фильмларида биргаликда суратга тушган. 2009 йил 9 августда турмуш қурган жуфтликнинг ҳозирда икки ўғли бор.

Берен Саат (36 ёш) ва Кенан Доулу (45 ёш)

Фото: Getty Images

«Косем», «Тақиқланган севги», «Интиқом» фильмларида бош қаҳрамон образини жонлантирган Берен Саат хонанда Кенан билан 2014 йилнинг 29 июнида турмуш қурган.

Фахрия Эвжен (33 ёш) ва Бурак Ўзчивит (35 ёш)

Фото: Getty Images

Яна бир юлдузли жуфтликлардан бири Фахрия ва Бурак ҳисобланади. Жуфтлик «Чолиқуши» фильмида бирга суратга тушган бўлса-да, ҳақиқий муносабатлар «Ишқ сенга ўхшар» фильмидан кейин бошланган. Турк юлдузларининг тўйи 2017 йилнинг 29 июнида бўлиб ўтган.

Нур Феттахўғлу (40 ёш) ​ ва Левент Везирўғлу​ (53 ёш)

Фото: Getty Images

«Муҳташам юз йил» фильмидаги Моҳидаврон роли билан яхши маълум бўлган Нур Феттахўғлу бизнесмен Левент Везирўғлу билан 2013 йилда турмуш қурган ва ҳозирда бир нафар қиз фарзанди бор.​