Ўзбекистонда аҳолига қулайлик яратиш мақсадида 22 майидан бошлаб очиқ сайилгоҳ, музей, санъат галереялари фаолиятини йўлга қўйишга Республика махсус комиссиясининг қарорларига мувофиқ «сариқ» ва «яшил» тоифага киритилган ҳудудларда рухсат берилади.
«Ўйингоҳ ва овқатланиш шохобчалари бундан мустасно», — дейилади Республика махсус комиссияси ахборотида.
Бунда, коронавирус инфекцияси иккинчи тўлқинини олдини олиш мақсадида ушбу масканларга кириш жойларида мажбурий равишда барча ташриф буюрувчиларн тана хароратларини ўлчанган ҳолда киритилиши (тепловизор ёки пирометр), шахсий ҳимоя воситаларида бўлишлари (ниқоб), шунингдек, ташриф буюрувчилар икки метрлик ижтимоий масофани сақлашлари талаб этилади.
Бундан ташқари, ушбу масканларда ташриф буюрувчилар уч кишидан кўп бўлиб тўпланишларини олдини олиш бўйича мазкур сайилгоҳ, кўнгил очар маскан ва музейлар раҳбарияти зиммасига юклатилади.
Изоҳ (0)