Фарғона вилоятининг Ўзбекистон туманида 18 май куни соат 14:50 ларда 3 ёшли болани «Жигули» уриб кетди. Бу ҳақда ЙҲХББ хабар бермоқда.

Фото: ЙҲХББ

Ҳодиса «Ўқчи» маҳалласи ҳудудидан ўтган 4Р-154 Қўқон–Яйпан–Исфара автомобиль йўлининг 12-километрида юз берган. 1998 йилда туғилган И.М. бошқарувидаги «Ваз-21011» автомобили тезликни меъёрдан оширган ҳолда ҳаракатланаётганда тўсатдан йўлга югуриб чиққан 2017 йилда туғилган Э.Т.ни уриб юборган.

Оқибатда 3 ёшли Э.Т. (ўғил бола) оғир тан жароҳатлари билан шифохонада вафот этган.

Мазкур ЙТҲ юзасидан Ўзбекистон туман ИИБ ҳузуридаги ТБ томонидан Ўзбекистон Республикаси ЖКнинг 266-моддаси 2-қисми (Одам ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ушбу модда бўйича айбдор деб топилган шахс 7 йилгача озодликдан маҳрум этилиши мумкин.

Мавзуга доир: Фарғонада Captiva велосипед ҳайдовчисини уриб юборди. Ҳолат юзасидан жиноят иши очилди

17 май куни ҳам Фарғона вилоятининг Қўштепа тумани «Ўқчи» маҳалласи ички йўлида трактор тиркамаси 3 ёшли болани босиб кетганди. Бола ҳодиса жойида вафот этган.

Шунингдек, 12 май куни Хоразм вилоятининг Янгибозор туманида Matiz ҳайдовчиси ички йўлда ўз ҳамқишлоғи бўлган 4 ёшли болани катта тезликда уриб юборган. Оқибатда бола шифохонада вафот этганди.