Британиянинг суперкар ишлаб чиқарувчи McLaren компанияси оғир молиявий аҳволда қолгани сабаб ўз мулкини гаров эвазига қўйиб, катта миқдорда кредит олишга мажбур бўлмоқда, деб хабар беради Motor.
Маълумотларга кўра, McLaren кўрган зарарларини қоплаш мақсадида кредит берувчиларни жалб этиш учун Уокингдаги ўзининг McLaren Technology Center штаб-квартираси ва қиймати 363 миллион долларга тенг тарихий пойга автомобиллари коллекциясини гаровга қўйишга тайёр.
Инсайдерларнинг сўзларига кўра, британияликлар ҳукумат компанияга молиявий ёрдам кўрсатишни рад этганидан сўнг шу каби қарорга келган. Ҳукуматнинг фикрича, McLaren маблағ топиш учун ўзининг бор кучини ишга солмаган.
Кўплаб автомобиль ишлаб чиқарувчилар каби McLaren ҳам коронавирус пандемияси сабаб катта йўқотишларга дуч келди — автомобиллар савдоси ва «Formula-1» жамоасидаги даромад тушиб кетди. Шунга қарамай британияликлар қарзларидан қутулиб, яна пойгаларга қайтишни режалаштирмоқда. 2019 йилда McLaren’нинг даромади 18 фоизга ошиб, 1,7 миллиард долларга етган эди. Компания томонидан ишлаб чиқарилган суперкарларнинг 90 фоизи хорижга сотилган.
Изоҳ (0)