AQSh prezidenti Donald Tramp tovushdan 17 barobar tezkor “super-puper” raketani yaratish ustida ish boshlanganini ma’lum qildi, deb xabar beradi “RIA Novosti”.
“Bizda raketa loyihasi bor, menga kecha aytishdiki u bizdagi mavjud raketalardan 17 barobarga tezroq ekan, shu sababli uni ‘super-puper’ raketa deb atayman. Eshitgan bo‘lsangiz, Rossiyada tovushdan besh barobar tezroq uchadigan raketa bor, Xitoy esa besh-olti barobar tezrog‘i ustida ish olib bormoqda. Bizda 17 barobar tezroq uchadigan raketa loyihasi bor va u hozirgina ruxsat oldi”, — deydi Tramp AQSh Kosmik kuchlari qo‘mondonligi bilan o‘tkazilgan uchrashuvda.
2019-yilning dekabrida NASA tovushdan tez samolyot sinoviga tayyorlanayotgani ma’lum bo‘lgandi. 2018-yilda esa Rossiyada “dunyoning biror davlatida yo‘q” tovushdan tez, uchuvchisiz jangovar uchish qurilmasi ishlab chiqilishi haqida xabarlar tarqalgandi.
Izoh (0)