Қорақалпоғистон Республикаси Жўқорғи Кенгеси Президиумининг қарори билан 13 май куни Отажон Ҳамроев Соғлиқни сақлаш вазири этиб тайинланди. Бу ҳақда Жўқорғи Кенгеси ахборот хизмати хабар берди.
Лавозимга тайинлангунга қадар у Жўқорғи Кенгес раисининг ўринбосари сифатида фаолият юритиб келаётган эди.
Отажон Ҳамроев 1965 йилда Элликқалъа туманида туғилган. 1989 йилда Андижон давлат тиббиёт олийгоҳини тугатган. Мутахассислиги терапевт-шифокор. Тиббиёт фанлари доктори.
У 2008—2011 йилларда ҳам Қорақалпоғистон Соғлиқни сақлаш вазири бўлган. 2002—2008 йилларда эса Қорақалпоғистон Соғлиқни сақлаш вазирининг биринчи ўринбосари лавозимида фаолият юритган.
Отажон Ҳамроев 2015 йилда «Қорақалпоғистон Республикасида хизмат кўрсатган соғлиқни сақлаш ходими» фахрий унвони билан тақдирланган.
Изоҳ (0)