Тошкент шаҳридаги Вирусология илмий-текшириш институти клиникасида 12 нафар, Эпидемиология, микробиология ва юқумли касалликлар илмий-текшириш институти клиникасида 21 нафар, Самарқанд вилоятида эса 26 нафар, жами 59 нафар коронавирус инфекциясига чалинган бемор бутунлай соғайди ва 14 май куни реабилитация кузатилди. Шу тариқа Ўзбекистонда коронавирус инфекциясидан бутунлай соғайганлар сони 2136 нафарга етди. Бу ҳақда Соғлиқни сақлаш вазирлиги хабар берди.
Тошкент шаҳрида Вирусология илмий-текшириш институти клиникасида тузалганларнинг 7 нафари пойтахтдан, 2 нафари Тошкент вилоятидан. Бухоро, Наманган ва Сирдарё вилоятларидан ҳам 1 нафардан фуқаро тузалган. Улардан 5 нафари коронавирус инфекциясига чалинганлар билан мулоқот орқали касалликни юқтириб олган, 3 нафари Тожикистондан, 2 нафари Қозоғистондан ва яна 2 нафари Россиядан келган ва карантинга олинган. Уларда коронавирус аниқлангач, клиникага ётқизилган. Беморлардан 6 нафари эркак, 6 нафари аёл. Улар орасида энг кексаси 56 ёшда бўлса, энг кичиги 13 ёшда.
Эпидемиология, микробиология ва юқумли касалликлар илмий-текшириш институти клиникасида тузалганларнинг 18 нафари хориждан келган, жумладан, 7 нафари Тожикистондан, 3 нафари Қозоғистондан ва 1 нафари Россиядан. Шунингдек, яна 7 нафари Дубай—Тошкент чартер рейси орқали келиб, карантинга олинган. Коронавирус аниқлангач, улар клиникага ётқизилган. Қолган 3 нафар бемор эса коронавирус инфекциясига чалинганлар билан мулоқот орқали касалликни юқтириб олган.
Тузалганлар орасида Тошкент вилоятидан 6 нафар, Наманган ва Самарқанд вилоятларидан 4 нафардан, Тошкент шаҳридан 3 нафар, Қашқадарё вилоятидан 2 нафар, Фарғона ва Андижон вилоятидан 1 нафар фуқаро бор. Беморлардан 15 нафари эркак, 6 нафари аёл. Улар орасида энг каттаси 56 ёшда бўлса, энг кичиги 2019 йилда туғилган чақалоқ экани айтилди.
Тошкент шаҳрида шу пайтга қадар коронавирусга чалинган 668 нафар бемор тўлиқ соғайди.
Самарқандда тузалганларнинг барчаси мазкур вилоятидан бўлиб, улар орасида Самарқанд шаҳри, Тойлоқ ва Оқдарё туманларидан 7 нафардан, Иштихон ва Пайариқ туманларидан 2 нафардан, Самарқанд туманидан 1 нафари фуқаро бор. Улар коронавирус инфекциясига чалинганлар билан мулоқот орқали касалликни юқтириб олган. Уларнинг 8 нафари эркак, 18 нафари аёл бўлиб, энг каттаси 63 ёшда, энг кичиги эса 11 ёшда экани маълум қилинди.
Самарқанд вилоятида шу пайтга қадар коронавирусдан соғайган беморлар сони 129 нафарга етди.
Аввалроқ Фарғона вилоятида коронавирусга чалинган сўнгги бемор тузалгани ва вилояти коронавирусдан холи ҳудудга айлангани ҳақида хабар берилганди.
Ўзбекистонда 14 май соат 10:00 ҳолатига кўра коронавирус инфекциясини юқтириб олганлар сони 2620 нафарни ташкил этмоқда. Мамлакатда касаллик қайд этилган 15 мартдан буён инфекция асоратлари оқибатида 11 киши вафот этган.
Изоҳ (0)