Андижон вилоятининг Булоқбоши туманида 13 май куни «Камаз» ва велосипед иштирокида йўл-транспорт ҳодисаси содир бўлди. Бу ҳақда ЙҲХББ хабар берди.
Ҳодиса «Барлос» МФЙ Бозорхидирша кўчаси ҳудудидан ўтган 4Р137 Хўжаобод—Булоқбоши автомобиль йўлининг 11-километрида юз берган. 1986 йилда туғилган М.Ш. бошқарувидаги «Камаз 5511» юк машинаси йўл қатнов қисмининг белгиланмаган жойидан кесиб ўтаётган велосипед ҳайдовчисини уриб юбориб, ЙТҲ содир этган.
Велосипед ҳайдовчиси 1990 йилда туғилган Р.Х. олган оғир тан жароҳатлари оқибатида ЙТҲ жойида вафот этган.
Мазкур ЙТҲ юзасидан Булоқбоши тумани ИИБ ТБ томонидан суриштирув ҳаракатлари олиб борилмоқда.
Жорий ҳафтада ҳам велосипедчининг ўлими билан якунланган яна бир ЙТҲ юз берганди. Тошкент вилоятининг Чиноз туманида автобус велосипедчини кўрмай қолиб, уриб юбориши оқибатида 33 ёшли велосипедчи вафот этганди.
Мавзуга доир: Андижонда иккита Damas тўқнашди (видео)
Изоҳ (0)