Коронавирус пандемияси сабаб футбол мусобақаларини тўхтатган мамлакатлар секин-аста мавсумни давом эттиришга рухсат бермоқда.
Жумладан, Чехияда миллий чемпионат баҳслари 23 майдан давом эттириладиган бўлди. Бу ҳақида мусобақанинг Twitter’даги саҳифасида хабар берилди.
Чехия чемпионати 24-турдан сўнг коронавирус пандемияси сабаб тўхтатилганди. Айни дамда «Славия» жамоаси 58 очко билан мусобақа жадвалида пешқадам бўлиб турибди. «Виктория Пльзень» (50), «Яблонец» (40) клублари эса кучли учликда бормоқда.
Шунингдек, Португалияда ҳам футбол баҳсларига рухсат берилди. 4 июнда 25-тур ўйинлари бошланади. 24-тур баҳсларидан сўнг «Порту» 60 очко билан пешқадам бўлиб турган бўлса, «Бенфика» ҳисобида 59 очко бор ва улар иккинчи ўриндан жой олган. Учинчи поғонадан эса 46 очкога эга «Брага» жой эгаллаган.
Мавзуга доир:
- Футбол бўйича Дания чемпионати ҳам давом эттириладиган бўлди
- Коронавирус туфайли тўхтаб қолган Бундеслига учрашувлари 16 майдан давом этади
- Англия ҳукумати 1 июндан мамлакатда профессионал спорт мусобақаларини давом эттиришга рухсат берди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)