«Ливерпуль» устози Юрген Клопп «Барселона» ҳужумчиси Лео Месси ҳамда «Ювентус» форварди Криштиану Роналдуни ўзаро қиёслади.
«Мен учун Месси энг яхшиси. Аммо Роналдуни ҳам чексиз ҳурмат қиламан. Келинг, шундай тушунтираман. Биз уларнинг иккаласига ҳам қарши ўйнадик. Уларга қарши ҳимояланиш деярли имконсиз. Агар мукаммал футболчини гавдалантирадиган бўлсак, у шундай кўриниш оларди. Бўй Роналдуники сингари баланд, у анча баландга сакрайди, шунингдек, Роналду каби ўта тез югура оларди. Яна бу футболчига Роналду сингари ишга тўғри муносабатда бўлишни ҳам қўшардим. Ҳеч ким Криштиану каби ишга профессионал ёндаша олмайди. Бошқа томондан эса жуссаси кичиккина Месси шунчаки қойилмақом ишларни бажармоқда. Шу боисдан ҳам у ўйинчи сифатида менга кўпроқ ёқади. Бироқ Роналду ҳам ақл бовар қилмас ўйинчи ҳисобланади», — дейди «Ливерпуль» устози Юрген Клопп.
Маълумот учун, «Ливерпуль» Англия Премьер Лигасида жорий мавсум 29 та ўйиндан сўнг 82 очко билан яққол пешқадам бўлиб турибди. Англияда футбол баҳслари июнь ойидан давом эттирилиши кутилмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)