Бухоро вилоятида 2020 йилнинг 27 апрель куни содир бўлган табиий офат оқибатида шаҳар ва туманларда 41 минг 927 та бино ва иншоотлар талафот кўрган. Бу ҳақда вилоят штабининг маълумотига таяниб, «ЎзА» хабар берди.

Фото: «ЎзА»

Кучли шамол туфайли 41 минг 85 та аҳоли хонадонлари, 842 та ижтимоий соҳа объектларига турли даражада зарар етган. Мутахассисларнинг ҳисоб-китобига кўра кўрилган зарар 141,6 миллиард сўм бўлиши мумкин.

Айни кунда 24 минг 322 та аҳоли хонадони, 326 та умумтаълим, 160 та мактабгача таълим, 81 та соғлиқни сақлаш ва 88 та бошқа муассасаларда таъмирлаш-тиклаш ишлари якунланди.

Вилоятнинг барча ҳудудларига шу вақтга қадар 825 минг 492 дона шифер, 414 минг 906 квадрат метр профнастил, 3 минг 700 квадрат метр ойна, 4 минг 249 метр куб ёғоч-тахта, 185 тонна цемент, 45 минг дона ғишт, 1 минг 600 килограмм мих етказиб берилган.

Фото: «ЎзА»

Аҳоли турар жойлари ва ижтимоий соҳа объектларига етказилган зарарни бартараф этишда жами 32 минг 530 нафар қурувчи жалб қилинган.

Шунингдек, Мудофаа вазирлигидан 240 нафар (32 бирлик махсус техника), вилоят Фавқулодда вазиятлар вазирлигидан 245 нафар (54 бирлик махсус техника), Ички ишлар вазирлигидан 79 нафар (18 бирлик махсус техника), Миллий гвардиядан 250 нафар (18 бирлик махсус техника) шахсий таркиб амалий ёрдам кўрсатмоқда.

Автомобиль йўллари қўмитаси томонидан 16 та бекат тўлиқ таъмирланган, дейилади штаб хабарида.

Фото: «ЎзА»

Фото: «ЎзА»