Андижон вилояти Олтинкўл туманида қалбаки 10 минг долларни ҳақиқий 6880 долларга сотмоқчи бўлган шахс қўлга олинди. Бу ҳақда «Дарё»га Бош прокуратура томонидан маълум қилинди.
Хабар берилишича, Бош прокуратура ҳузуридаги Иқтисодий жиноятларга қарши кураш Департаментининг Андижон вилоят бошқармаси томонидан ДХХ вилоят бошқармаси ходимлари билан ҳамкорликда тезкор тадбир ўтказилган.
Аниқланишича, фуқаро Б.К. ва бошқалар олдиндан тил бириктириб, фуқаро Ж.М.га қалбаки 10 минг долларни 6880 долларга сотишга келишган. Шериклар Олтинкўл туманидаги Майрамхон канали ёнида фуқаро Ж.М.га қалбаки 7900 долларни бериб, қолган 2100 долларни бошқа чўнтагидан олаётган вақтида тадбир ўтказилаётганлигини сезиб қолган. Шундан сўнг фуқаро Б.К. воқеа жойидан яшириниш мақсадида Майрамхон каналига ўзини ташлаган ва қочмоқчи бўлган. Бироқ мазкур фуқаро ашёвий далиллар билан ушланган.
Мазкур ҳолат юзасидан Б.К. ва бошқаларга нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Изоҳ (0)